कधीतरी....एक आशा

कधीतरी नको वाटतील...लुबाडणारे हात
कधीतरी १०:१० हून पुढे....सरकेल हे घड्याळ
कधीतरी बदलेल काळ वेळ आणि गती
सामान्यांना जाव लागणार नाही उगाच मग सती 

कधीतरी चालतील गाड्या सूर्य शक्तीवर
तेव्हा दिसेल पेट्रोल विकलेले रस्त्यावर
कधीतरी वादळ घेऊन येयील नवी क्रांती
सामान्यांना जाव लागणार नाही उगाच मग सती

कधीतरी अन्नाशिवाय सुखी होईल जीवन
पाण्याशिवाय जमिनी होतील अन श्रीधन
कधीतरी आयुष्याला नसेल कसलीच भीती
सामान्यांना जाव लागणार नाही उगाच मग सती

कधीतरी होईल भ्रष्टाचाराची सवय
नेत्यांनाच वाटेल तेव्हा पैसे खाण्याचे भय
कधीतरी होईल त्यांच्या भुकेची माती
सामान्यांना जाव लागणार नाही उगाच मग सती



                                                                          - सौनिक